HISTORIA YA RUDY YOUNGBLOOD WA APOCALYPTO

Rudy Youngblood msanii, mwanamziki, muigiza wa sanaa za maonesho na mwana ndondi.  Rudy alizaliwa mnamo September 21 1981 huko Belton,Texas Marekani. Familia ya Rudy ilikuwa masikini mno maana majukumu ya kuilea familia hiyo yenye watoto watatu ambao ni Rudy na dada zake wawili ilikuwa chini ya mama yao na baba yao hakuwepo. Kulingana na umasikini wa familia yao,  Rudy alianza kujihusisha na shughuli za ujenzi akiwa na umri wa miaka kumi tu. Alianza kuwasaidia mafundi ili angarau ajipatie kipato kitakachomsaidia mama yake katika kuiendesha familia yao nahii ikawa fursa kwake ya kujifunza ufundi ujenzi na uselemala wakati akifanya kazi kama msaidizi wa mafundi.

Rudy alibahatika kusoma kwenye shule ya serikali ambayo ni Belton High School  hii ni miongoni mwa shule za watu masikini na alipenda sana mchezo wa masumbwi alipokuwa shuleni hapo, Rudy alikuwa ni mshindani mzuri na mchapa makonde maarufu shuleni kwao. Pamoja na kupenda masumbwi lakini Rudy alikuwa shabiki wa sinema  hivyo alihudhulia mara kwa mara kwenye majumba ya sinema na kujikuta akipenda zaidi kuigiza. Baada ya kuhitimu masomo ya sekondari anapata bahati ya kuhuzuria masomo kwenye chuo cha sanaa za maonesho alikwenda kusomea ngoma za asili na sanaa za maonesho ambazo ndizo alizipenda zaidi. Alishiriki maoneso mbalimbali na kikundi cha American Indian Dance Theatre.

Baada ya maonesho kadhaa  anapata nafasi ya kufanya usahili wa kushiriki kwenye sinema na hapo ndipo, Rudy anafanikiwa kuchaguliwa kuwa mmoja wa washiriki katika filamu ya The Seventh Fire.  Na mwaka mmoja baadae anakuwa mhusika mkuu kwenye filamu ya  Apocalypto. Iliyosimamiwa na Los Angeles Times. Rudy anachaguliwa na mwandishi na Mwongozaji maarufu wa sinema hiyo bwana Mel Gibson ili ashiriki kama Jaguar Paw katika sinema hiyo. Rudy ni mhindi mwekundu kwa asili na mhusika alihitajika kuwa mhindi mwekundu. Rudy ilimlazimu kuchukua muda kujifunza lugha ya Yucate Maya ambayo ndiyo ilitakiwa kuzungumzwa na wahusika kwenye sinema hiyo ya Apocalypto na miswada yote iliandikwa kwa lugha hiyo.

Filamu alizoshiriki mpaka sasa ni American Mythos, Crossing Point, Shepherd's Blade, Wind Walkers, Amnesia, Beatdown, Apocalypto, Spirit: The Seventh Fire, Hook Up. Pia alishiriki katika filamu ya Beatdown na Into the Americas. Rudy anakadiliwa kuwa na ukwasi wa dora 500,000. Rudy amewahi kukumbwa na masahibu kama vile kukamatwa na polisi akiwa amelewa chakali lakini aliwahi kukumbwa na kashifa ya kuwapiga wacheza kamali wenziye mwaka kwenye kasino moja huko marekani mnamo mwaka 2017.

Rudy hapendi kutumia mitandao ya kijamii kabisa pamoja na kuwa kwenye muongo wa mitandao ya kijamii na karibu watu mashuhuri na maarufu kote duniani kutumia mitandao hii swala hili limekuwa tofauti kabisa kwa Rudy maana hana akaunti facebook, twitter, instagram, snapchap, wala telegram.